Solapas principales

> Ames en Festas: Jinetes del Trópico, Finisterre e Eme Music

Sábado, 13 agosto, 2022

O Concello de Ames, as comisións de festas do Milladoiro e da Peregrina e XEA colaboran este ano para sumar once días de celebración no cartel “Ames en Festas”, que encadea as festas da Madalena do Milladoiro, do xoves 4 ao martes 9, e as festas da Peregrina de Bertamiráns, do martes 9 ao domingo 14 de agosto. Premendo nesta ligazón pódese consultar o folleto informativo de “Ames en Festas” 2022.

O sábado 13 haberá de novo un concerto e verbena en Bertamiráns. Ás 21:00 horas actuará o grupo Los Jinetes del Trópico no parque do Ameneiral, dentro do programa “AmesON de verán” da Concellaría de Promoción Económica. Neste penúltimo día de verbena, a comisión de festas da Peregrina ofrecerá as actuacións da orquestra Finisterre e da disco móbil Eme Music, de novo ás 23:00 horas no campo da festa da Peregrina.