Solapas principales

> 20º aniversario do filme "O bosque animado"

Martes, 24 mayo, 2022

O Concello de Ames conmemora dende este martes 24 de maio o vixésimo aniversario da estrea en galego da película de animación “O bosque animado”, a primeira longametraxe de animación integramente en 3D producida fóra dos Estados Unidos, e realizada pola produtora coruñesa Dygra Films. Neste senso, o martes celebrarase na Casa da Cultura do Milladoiro un coloquio sobre a creación de películas de animación para o alumnado da ESO dos IES de Ames; proxectarase o filme de balde, ás 18:00 horas, e inaugurarase unha exposición interactiva ás 20:00 horas, que permanecerá no centro sociocultural ata o 6 de xuño.