Solapas principales

Relación de proxectos presentados á convocatoria de programas de Radio Cidadá 2019-2020

Jueves, 22 agosto, 2019
O Concello de Ames, a través da Concellaría de Comunicación, volveu dar a oportunidade á veciñanza de presentar os seus propios proxectos de programas de radio, para realizar en Ames Radio entre os meses de outubro e xuño. Esa foi, precisamente, unha das novidades que presenta esta terceira convocatoria, estendendo durante todo o curso a duración dos programas.

Presentáronse trece propostas, algunhas elaboradas por distintos colectivos e asociacións e outras firmadas por cidadáns particulares. A relación dos proxectos presentados pode consultarse no PDF que está ao pé deste AVISO. Posteriormente, será o persoal técnico da emisora quen emitirá un informe de avaliación para o Consello Asesor da Radio, acerca de todos os proxectos recibidos.