O Acordo do Consello da Xunta de Galicia do 13 de marzo de 2020 declarou a situación de emerxencia sanitaria de interese galego e activou o Plan territorial de emerxencias de Galicia coa conseguinte asunción de todas as actividades de emerxencia polo titular da Presidencia da Xunta de Galicia ou persoa en quen delegue.

 

A activación do Plan implicou a constitución do Centro de Coordinación Operativa (Cecop), co obxecto de garantir o funcionamento e a operatividade do Plan.

 

O Acordo do Consello da Xunta de Galicia prevé que para o desenvolvemento do Plan poderán ditarse ordes e instrucións que afecten dereitos da cidadanía nos termos establecidos polas leis, así como adoptarse medidas de obrigado cumprimento para os seus destinatarios e destinatarias, conforme o que se dispoña se así o aconsellan as necesidades da emerxencia e dos bens que hai que protexer.

 

En particular, habilítase o Cecop para revisar ou adaptar ás circunstancias as previsións establecidas no acordo. Premendo ao pé deste aviso podes descargar dito Acordo publicado no DOG o 22 de marzo de 2020.

 

Tamén se poden descargar as novas medidas e aclaracións de interese establecidas na resolución do 21 de marzo de 2020 que establecen o peche dos centros de logopedas, podólogos e fisioterapeutas; medidas do Instituto Galego da Vivenda e Solo; a prohibición temporal de accións de caza; o peche dos servizos das inspeccións técnicas de vehículos; a aclaración sobre desprazamentos dende ou ao lugar de traballo; e novas medidas de aloxamentos turísticos.