Concello de Ames

Menú [Saltar]

Concello de Ames

[http://www.concellodeames.org]


Inicio Ames dixital Novas


Novas

A Casa do Concello acolle este xoves, 7 de febreiro, un Workshop sobre economía circular e consumo responsable

[06-02-2019] O salón de plenos da Casa do Concello de Ames, en Bertamiráns, acolle este xoves, 7 de febreiro, ás 20:00 horas, o Workshop ‘Que facemos cos residuos? Cidadanía, consumo e sustentabilidade’, organizado pola Unión de Consumidores de Galicia (UCGAL) e Ecoembes, coa colaboración do Concello de Ames. Esta actividade gratuíta está especialmente dirixida aos comerciantes e entidades ecoloxistas pero está aberta a todas aquelas persoas que desexen asistir.

Os concellos de Ames e Santiago presentan unha nova edición do Vives Emprega

[06-02-2019] Esta mañá, o edificio CERSIA de Santiago acolleu a presentación dunha nova edición do programa Vives Emprega, no que estiveron presentes a concelleira de Servizos Sociais e Igualdade de Ames, Luísa Feijóo, a concelleira de Políticas Sociais, Diversidade, Saúde e Centros cívicos de Santiago, Concepción Fernández, e a responsable de oficinas de Acción Social contra el Hambre en Galicia, Asturias, Castela-A Mancha e Madrid, Laia García. A finalidade desta iniciativa, promovida por Acción contra a fame, é facilitar a inclusión sociolaboral de persoas que atravesan unha situación de dificultade para acceder ao mercado laboral. O curso realizarase no Centro sociocultural de Santa Marta.

O Concello repartirá 4.050 euros no Entroido de Ames que se celebrará o 4 de marzo en Bertamiráns

[06-02-2019] O luns, 4 de marzo, o Concello de Ames celebra a oitava edición da Festa de Entroido. Este ano esta celebración realizarase, a partir das 17:00 horas, no aparcamento da Telleira, que está situado en Bertamiráns. O prazo de inscrición para o concurso de disfraces poderanse realizar ata as 11:00 horas do propio día da Festa de Entroido. No concurso de disfraces repartiranse 3.800 euros, que estarán repartidos nas seguintes categorías: infantil, adulto, por grupo ou en comparsa. Ademais, haberá dous premios especiais dotados con 125 euros aos mellores disfraces realizados con material de reciclaxe. O xurado valorará os disfraces conforme á creatividade, caracterización e orixinalidade. O grupo de música, Brassica Rapa, creado a finais de 2017, e mailo grupo fundado en Ribeira en 2002, A Compañía do Ruído, porán música a esta festa.

Os Concellos de Ames, Brión, Padrón e Santiago reúnense para seguir avanzando na Ruta Rosaliana

[05-02-2019] O pasado venres, 1 de febreiro, a concelleira de Promoción Económica e Turismo do Concello de Ames, Isabel González, e a técnica municipal de turismo, Sonia Moure, reuníronse en Bertamiráns cos representantes e técnicos do departamento de turismo dos concellos de Brión, Padrón e Santiago, co obxectivo de seguir avanzando no impulso da ruta rosaliana ‘As pegadas de Rosalía’. Así, durante o encontro pechouse o expediente de solicitude para declarar esta ruta como ben de interese cultural, avanzouse na creación dunha páxina web propia e perfilouse a programación para o primeiro semestre deste ano.

Ames, Santiago e Teo crean un directorio de empresas que traballan en galego

[05-02-2019] Os concellos de Ames, Santiago e Teo poñen en marcha o proxecto #Galegoempresas, un directorio de empresas radicadas nos tres municipios que ofrezan produtos e servizos en galego. Esta mañá tivo lugar a presentación desta iniciativa no Pazo de Raxoi, en Santiago de Compostela. O obxectivo deste proxecto é poñer en valor aqueles negocios nos que a nosa lingua adquire visibilidade, e facer un recoñecemento á calidade na atención por parte destes negocios.


Aviso legal | Accesibilidade | RSS

© Concello de Ames
Praza do Concello, 2, Bertamiráns. Tel: 981 883 002 - Fax: 981 883 925