Concello de Ames

Menú [Saltar]

Concello de Ames

[http://www.concellodeames.org]


Inicio Ames dixital Novas


Novas

Xa podes inscribirte no obradoiro de programación, electrónica e deseño 3D da OMIX

[05-12-2018] A oficina municipal de información xuvenil (OMIX) organiza un novo obradoiro de programación, electrónica e deseño 3D destinado a xoves de maiores de 12 anos. Realizaranse dúas edicións do taller, o primeiro os días 26, 27 e 28 de decembro na Aula de Informática da Casa da Cultura do Milladoiro e un segundo o 2, 3 e 4 de xaneiro na Aula CeMIT da Casa da Cultura de Bertamiráns. Para participar nalgún destes obradoiros é necesario enviar a ficha de inscrición cuberta ao enderezo de correo electrónico omix@concellodeames.gal antes do 18 de decembro.

A Aula da Natureza realiza este sábado, 8 de decembro, a súa terceira saída micolóxica do outono

[05-12-2018] A Aula da Natureza de Ames organiza para este sábado, 8 de decembro, a terceira e última saída micolóxica das tres programadas para este outono. As persoas que se inscriban deberán estar ás 10.00h diante da Casa do Concello, en Bertamiráns, e as 10.15h na Casa da Cultura do Milladoiro. A saída para recoller cogomelos farase polo porto da Gañidoira, no concello de Muras. Con esta saída finalizan as actividades de achegamento ao mundo dos cogomelos. É necesario inscribirse antes das 14.00 horas deste venres.

54 voluntarios/as colaboran coa Oficina municipal de voluntariado nas diferentes accións que desenvolve o Concello de Ames

[05-12-2018] Este martes, 5 de decembro, conmemorase o Día internacional do voluntariado. Dende o ano 2002 o Concello de Ames conta cunha oficina municipal de voluntariado que desenvolve ao longo do ano programas de acción social, de atención socioeducativa, así como outros programas de acción voluntaria e sociocomunitarios. Durante estes 16 anos, máis de 350 voluntarios/as colaboraron con este departamento municipal. Na actualidade, 54 voluntarios/as colaboran activamente coa Oficina municipal de voluntariado nas diferentes accións voluntarias desenvolvidas. Dentro do abano de perfís de voluntarios/as, destacan as persoas xubiladas e/ou prexubiladas, así como as mulleres de mediana idade. Todas as actividades están dirixidas e supervisadas polo coordinador da OVA.

O Concello de Ames conmemora este xoves, 6 de decembro, o 40 aniversario da Constitución

[05-12-2018] O Concello de Ames conmemora os corenta anos da Constitución vixente cun programa específico para a ocasión. A programación comezou este martes, 4 de decembro, cunha mesa redonda moderada pola xornalista Aida Pena, na que participaron os profesores da USC: José Julio Fernández e Antón Losada. O acto central do programa terá lugar este xoves, 6 de decembro, na Casa do Concello de Bertamiráns, onde se lles fará entrega das medallas aos alcaldes de Ames dende 1978.

Invístense 50.000 euros dos Orzamentos Participativos para a construción de dous anfiteatros destinados á mocidade amesá

[04-12-2018] Este luns, 3 de decembro, o goberno municipal realizou unha presentación pública dos proxectos de anfiteatros para O Milladoiro e Bertamiráns, incluídos dentro dos Orzamentos Participativos para a mocidade 2018. Estes proxectos foron elixidos pola mocidade amesá para executarse cunha partida de 50.000 euros, incluída nos Orzamentos Participativos. Estes espazos, que se poderán dedicar a organizar festas, teatro e cine ao aire libre, executaranse na avenida do Muíño Vello, no Milladoiro, e no lugar de Lapido, preto de Bertamiráns.


Aviso legal | Accesibilidade | RSS

© Concello de Ames
Praza do Concello, 2, Bertamiráns. Tel: 981 883 002 - Fax: 981 883 925