Concello de Ames

Menú [Saltar]

Concello de Ames

[http://www.concellodeames.org]


Inicio Ames dixital Novas


Novas

Adxudicadas as obras de rehabilitación do contorno etnográfico de Lapido

[11-11-2005] O muíño e a capela da Mercé veranse favorecidos polas obras de restauración global que o Concello de Ames ten previsto realizar no contorno etnográfico e arquitectónico de Lapido. As obras incluirán a restauración da pontella que comunicaba os lugares de Lapido e A Barreira e a creación dun centro permanente de exposicións. A unión temporal de empresas formada por Ponciano Nieto S.L. e Alcuba S.A. foi a gañadora dun concurso que tardou en resolverse algo máis dun mes por causa dun recurso presentado pola Federación Galega da Construción.

O Concello programa actividades para nenos para dinamizar o mercado de rúa de Bertamiráns

[11-11-2005] Os pais e nais que queiran acudir ao mercado de rúa que se celebra os sábados en Bertamiráns van telo máis fácil desde agora. A Concellaría de Desenvolvemento Local, Turismo e Emprego pon en marcha unha serie de obradoiros para nenos e nenas que se desenvolverán paralelamente á feira. As actividades relizaranse baixo unha carpa que se instalará alternativamente nas Prazas da Maía e do Concello e no Pazo da Peregrina.

Preto de 100 persoas participaron nas xornadas de divulgación do programa EQUAL

[11-11-2005] Os técnicos do programa valoran xa trece iniciativas de auto emprego xurdidas a raíz das xornadas de divulgación do programa EQUAL levadas a cabo no Concello e nas que participaron preto de 100 persoas. Os proxectos presentados abranguen desde empresas que ofrecen servizos de atención a colectivos desfavorecidos ata propostas que xiran en torno as novas tecnoloxías.

A Consellería de Educación compromete dous colexios e o instituto do Milladoiro

[11-11-2005] Despexáronse tódalas incógnitas sobre o futuro inmediato do mapa educativo de Ames. A Consellería de Educación fixo público este venres o seu compromiso de dotar o noso concello con tres novos centros. Dous son colexios, un para Bertamiráns e outro para o Milladoiro. O terceiro é o tan ansiado -e polémico nos últimos días- instituto do Milladoiro. Estas actuacións inminentes completaranse coa ampliación das instalacións do colexio de Ventín.

O alcalde de Ames reúnese coas responsables da Fundación Rosalía de Castro

[10-11-2005] Revitalizar a figura de Rosalía e o seu legado, ese é o obxectivo que persegue a nova comisión responsable do padroado da Fundación Rosalía de Castro. Xa teñen un plan a cinco anos no que aparecen recollidos os seus proxectos para abrir a entidade á sociedade. Agora só falta que as institucións se impliquen, especialmente os concellos da ruta Rosaliana como é o caso de Ames. Carlos A. Fernández participou nunha xuntanza na que as responsables do legado de Rosalía lles achegaron aos alcaldes da comarca as súas ideas e na que tamén aproveitaron para pedir a máxima colaboración dos concellos.


Aviso legal | Accesibilidade | RSS

© Concello de Ames
Praza do Concello, 2, Bertamiráns. Tel: 981 883 002 - Fax: 981 883 925