Concello de Ames

Menú [Saltar]

Concello de Ames

[http://www.concellodeames.org]


Inicio Ames dixital Novas


Novas

Alumnos e profesores do Instituto máis antigo de Córdoba fan noite en Ames

[07-04-2006] 400 alumnos e alumnas do IES Séneca de Córdoba, acompañados de 50 profesores fixeron noite no Polideportivo de Bertamiráns, despois de que a Concellaría de Cultura e Deportes lles cedera as instalacións para asearse e durmir. A excursión, que forma parte dun programa propio deste instituto chamado "2000 minutos andando", chega hoxe a Compostela.

O Pazo da Peregrina acolle a segunda xuntanza de traballo do foro da Axenda 21

[06-04-2006] O Foro Social da Axenda 21 definirá hoxe os problemas máis importantes que terá que superar Ames para converterse nun concello sostible. As tres mesas que compoñen o foro están convocadas para as oito e media do serán no Pazo da Peregrina. Anque xa hai trinta veciños implicados no debate da axenda, desde o Concello sinálase que o foro aínda está aberto á participación da xente.

Festa multicultural na clausura do Obradoiro de Lingua e Cultura

[06-04-2006] ¿Porque os ingleses toman té ás cinco da tarde?, ¿Quen era Molly Malone?, ¿Cal é a verdadeira historia do conde Drácula?, ¿Que curiosidades se agochan nas bandeiras de Perú, Costa Rica ou Venezuela? A clausura dos Obradoiros que durante os últimos meses organizou a Concellaría de Cultura para que os emigrantes e os retornados e retornadas de Ames se achegaran á lingua e a cultura galegas, converteuse nunha festa de intercambio cultural. Bailáronse tangos, cantáronse cancións galegas e cubanas e escoitáronse sons irlandeses e mornas guineanas e case todos os participantes dixeron que estaban desexando facer outro curso similar.

175 nenas e nenos gozarán da Primavera Lúdica

[06-04-2006] Por terceiro ano consecutivo a Concellaría de Educación pon en marcha a Primavera Lúdica, o programa de conciliación da vida familiar e laboral destinado a nenos e nenas de entre 3 e 12 anos que se desenvolverá os días 10, 11,12 e 17 de abril coincidindo coas vacacións de primavera. 175 nenos e nenas se acollen este ano ao programa o que supón a consolidación e o éxito da actividade.

Primavera 06 aposta pola implicación da cidadanía na cultura e no deporte

[05-04-2006] Música, teatro, pintura, literatura, conferencias, sendeirismo, xincanas ciclistas, fútbol de rúa, atletismo, chave, concursos hípicos... a oferta deportiva e cultural de primavera no Concello de Ames abrangue todos os gustos e contenta todas as idades. A Concellaría de Cultura e Deportes consolida os Domingos Infantís e os Venres Teatrais, continúa definindo o Pazo da Peregrina como un dos espazos culturais importantes do Concello e aposta pola implicación dos veciños e das veciñas na cultura e o deporte.


Aviso legal | Accesibilidade | RSS

© Concello de Ames
Praza do Concello, 2, Bertamiráns. Tel: 981 883 002 - Fax: 981 883 925