Ayuntamiento de Ames

Menú [Saltar]

Ayuntamiento de Ames

[http://www.concellodeames.org]


Inicio Ames digital Noticias


Noticias

Está aberto o prazo para que os locais hostaleiros se adhiran á iniciativa “Caldo de Gloria” con motivo da celebración do Día de Rosalía

[18-02-2019] Con motivo da celebración do Día de Rosalía 2019, unha efeméride que terá lugar o vindeiro 24 de febreiro, o Concello de Ames, xunto cos municipios de Brión, Padrón e Santiago, e coa colaboración da Fundación Rosalía de Castro, organiza a actividade denominada “Caldo de Gloria”. Deste xeito, convídase aos establecementos do sector hostaleiro de Ames a que durante os días 22, 23 e 24 de febreiro sirvan cuncas de caldo de tapa, tanto durante as comidas como pola tarde nas ceas. Os locais adheridos recibirán un cartel e manteis de papel para utilizar esas datas. O prazo para apuntarse na devandita campaña estará aberto ata este martes 19 de febreiro. Asemade, dentro desta iniciativa, o venres 22 servirase caldo galego na Rede municipal de comedores escolares.

Ames avanza na implantación da Contratación Electrónica

[16-02-2019] Ames foi un dos primeiros Concellos en Galicia que comezou a utilizar a licitación electrónica, colgando na Plataforma de Contratación do Estado o seu primeiro expediente o pasado 30 de xullo de 2018. Dende finais de xullo ata a data actual tramitáronse un total de 32 licitacións de xeito electrónico (18 expedientes de obras, 5 de subministro, 7 de servizos e 2 privados).

O Concello de Ames aproba o reparto de axudas para a promoción de actividades de servizos sociais comunitarios e inclusión social levadas a cabo por entidades de iniciativa social

[16-02-2019] A Xunta de Goberno Local aprobou o pasado 31 de xaneiro o reparto de axudas a entidades de iniciativa social sen ánimo de lucro destinadas á promoción de actividades de servizos sociais comunitarios e inclusión social, realizadas durante o exercicio 2018. As cinco entidades beneficiarias, entre as que se repartirán un total de 34.752,89 euros, deberán presentar os documentos de xustificación de gastos ata o vindeiro 28 de febreiro.

Comeza o prazo de inscrición para participar no programa de conciliación Primavera Lúdica

[15-02-2019] O Concello de Ames, a través da Concellaría de Educación e Cultura, abre hoxe o prazo de inscrición para participar no programa de conciliación laboral e familiar Primavera Lúdica. O servizo desenvolverase os días 15, 16, 17 e 22 de abril, coincidindo coas vacacións escolares de Semana Santa, durante os que se organizarán varias actividades educativas e culturais destinadas aos cativos e cativas da casa. A través desta iniciativa buscase facilitarlle aos pais e nais a conciliación da súa vida laboral e familiar durante as vacacións escolares. O prazo para presentar as solicitudes de inscrición remata o vindeiro 1 de marzo. Premendo nos enlaces que están a túa dereita, baixo o apartado de descargas, poderás obter as bases dos programas lúdicos, o impreso de inscrición e os prezos do servizo.

O goberno municipal e Ames Novo acadan un acordo para a aprobación do orzamento municipal de 2019 para Ames

[15-02-2019] Nunha reunión mantida esta mañá entre os voceiros dos tres grupos que conforman o goberno local: Blas García (PSOE), Genma Otero (Contigo Pódese) e David Santomil (BNG); e máis Quique Costas e Carmen Calviño, en representación de Ames Novo, ambas partes acadaron un punto de acordo global para a aprobación do orzamento amesá para o exercicio 2019. O encontro de hoxe encádrase dentro da secuencia de contactos e intercambios de documentación que ambas partes viñan mantendo en busca dun consenso que permita a aprobación das contas municipais, como xa ocorrera en 2017 e 2018. A vindeira semana perfilaranse os últimos detalles.


Aviso legal | Accesibilidad | RSS

© Ayuntamiento de Ames
Praza do Concello, 2, Bertamiráns. Tel: 981 883 002 - Fax: 981 883 925