Ayuntamiento de Ames

Menú [Saltar]

Ayuntamiento de Ames

[http://www.concellodeames.org]


Inicio Ames digital Noticias


Noticias

Iria Pinheiro comparte a súa vivencia como vítima de violencia obstétrica este venres no Milladoiro

[18-03-2019] Este venres, 22 de marzo, a actriz Iria Pinheiro chega á Casa da Cultura do Milladoiro para compartir a súa experiencia como vítima de violencia obstétrica en Anatomía dunha serea. Mediante esta crítica emitida pola propia protagonista desta historia real, a actriz quere facer visible e denunciar unha situación que sofren moitas mulleres durante o seu embarazo. As entradas para acudir como público a esta peza están dispoñibles na Billeteira electrónica do Concello de Ames. Como é habitual, reservarase o 10% para vender o día da representación.

75 rapaces e rapaza do CEIP Agro do Muíño colaboran na plantación de árbores frondosas caducifolias para previr incendios forestais

[18-03-2019] A brigada de repoboación forestal do Concello de Ames, dependente da Concellaría de Medio Ambiente, está inmersa nos traballos de plantación de árbores frondosas caducifolias na rede de liñas secundarias para a xestión de biomasa definidas no plan de medidas preventivas fronte incendios forestais no período 2018-2019. Nestes traballos colaboraron uns 75 rapaces e rapazas das aulas de terceiro de primaria do CEIP Agro do Muíño. Este ano estase actuando en fincas dos ámbitos 09 (Ventosa, Lombao, urbanización do Bosque Animado) e nos ámbitos 04A e 04B (monte de Outeiro - Pena Amarela). Trátase de plans de actuación bianuais. Nesta terceira fase 52 persoas solicitaron adherirse a dito plan, polo que se está actuando en 52 fincas que suman unhas 4 hectáreas de terreo forestal.

Xa se poden solicitar as estancias do programa de Respiro Familiar 2019 destinadas a persoas con algún tipo de discapacidade intelectual

[18-03-2019] A Federación Galega de Asociacións en favor das Persoas con Discapacidade Intelectual ou do Desenvolvemento (FADEMGA Plena Inclusión Galicia) xa ten programadas as datas para 2019 nas que se realizarán as 15 estancias en instalacións comunitarias organizadas ao abeiro do programa de Respiro Familiar. Esta iniciativa busca aliviar as sobrecargas das familias con membros que contan con algún tipo de discapacidade intelectual ou problemas de comportamento. Para participar nalgunha das estancias organizadas por FADEMGA é necesario enviar a documentación que se require ao enderezo electrónico fademga@fademga.org.

A Aula da Natureza achega o medio ambiente e o monte atlántico aos nenos e nenas de Ames

[16-03-2019] O alumnado dos CEIP de Barouta e do Agro do Muíño, así como do CEP de Ventín, están a realizar unha serie de actividades organizadas pola Aula da Natureza de Ames durante este primeiro semestre do ano. A través destas iniciativas, que engloban obradoiros, andainas e actividades relacionadas coa flora e a fauna, a Concellaría de Medio Ambiente busca achegarlle a natureza aos cativos e cativas do concello dunha maneira lúdica e divertida. As actividades están adaptadas segundo a idade dos participantes, que cursan dende infantil ata o 4º de primaria.

O Milladoiro celebra as súas festas de San Xosé o 18 e 19 de marzo

[16-03-2019] A Asociación de Festas do Milladoiro organiza a vindeira semana dous días de festa cos que celebrar a conmemoración o San Xosé, patrón da localidade. A celebración estará marcada polas actuacións musicais, entre as que destaca a presentación oficial da tempada 2019 da orquestra Ciclón. Os festexos realizaranse no aparcamento-explanada do Supercor, na rúa Agro do Medio, onde se instalará unha carpa.


Aviso legal | Accesibilidad | RSS

© Ayuntamiento de Ames
Praza do Concello, 2, Bertamiráns. Tel: 981 883 002 - Fax: 981 883 925