Concello de Ames

Menú [Saltar]

Concello de Ames

[http://www.concellodeames.org]


Inicio Ames dixital Novas Ames Radio organiza o...


Ames Radio organiza o martes, 21 de maio, un debate electoral na Casa da Cultura de Bertamiráns

[16-05-2019] Seis das sete forzas políticas que concorren ás eleccións municipais do próximo 26 de maio daranse cita no debate electoral que Ames Radio organiza o próximo martes, 21 de maio, ás 20:30 horas, na Casa da Cultura de Bertamiráns. As cabezas de lista e candidatas a alcaldía de Ames, Ramón Argibay (PP), José Miñones (PSdeG), Quique Costas (Ames Novo), Genma Otero (Contigo Podemos), David Santomil (BNG) e José Ramón Oulego (Ciudadanos Partido de la Ciudadanía), confirmaron a súa presenza nun debate que será retransmitido por Ames Radio e tamén en streaming a través da canle de Youtube de Mediacebstream. O debate será moderado pola xornalista de Ames Radio, Nazaret López, e aberto ao público en xeral. A candidata de Compromiso por Galicia declinou a invitación a participar no mesmo por problemas de axenda.

O debate estará estruturado en seis bloques. No primeiro e último, as cabezas de lista de cada formación terán un minuto de intervención para unha exposición inicial e unha final. Na parte central do debate, abordaranse catro bloques: un primeiro sobre Benestar Social, Sanidade, Igualdade e Mocidade; un segundo sobre Educación, Cultura, Patrimonio e Deportes; un terceiro que versará sobre Infraestruturas, Mobilidade, Transporte e Medio Ambiente; e un cuarto en torno a Economía, Facenda, Turismo e Promoción Económica. Os candidatos e candidata contarán cun tempo de dous minutos para a exposición de cada temática e un minuto despois das intervencións para o debate de cada bloque.

Orde de intervención
As instalación de Ames Radio acolleron esta mañá a realización do sorteo para establecer a orde de intervención de cada candidato/a nos diferentes bloques establecidos no debate. Elixiuse un formato de rotación en cada bloque, logo da extracción dos nomes para determinar a orde na exposición inicial. Así, David Santomil (BNG) será o encargado de abrir a exposición inicial, José Miñones (PSdeG) o primeiro bloque temático, Genma Otero (Contigo Pódese) o segundo bloque, José Ramón Oulego (Ciudadanos Partido de la Ciudadanía) o terceiro, Ramón Argibay (PP) o cuarto e Quique Costas (Ames Novo) abrirá a exposición final.

Retransmisión do debate
O debate electoral poderá seguirse a través de Ames Radio (107.2FM) en en streaming a través do propio servizo de escoita da radio nesta web municipal e a través da canle de Youtube de Mediacebstream. O propio día do debate poderase acceder a esta canle a través dun banner fixo situado na cabeceira desta páxina web www.concellodeames.gal.

Aviso legal | Accesibilidade | RSS

© Concello de Ames
Praza do Concello, 2, Bertamiráns. Tel: 981 883 002 - Fax: 981 883 925