Concello de Ames

Menú [Saltar]

Concello de Ames

[http://www.concellodeames.org]


Novas

O Pleno abordará a aprobación da constitución da Asociación do Camiño Ría de Muros - Noia e a prórroga do Ciclo integral da auga

[24-04-2019] Este xoves, 25 de abril, celebrarase o pleno ordinario correspondente ao mes de abril no que a Corporación municipal debaterá sobre a aprobación da constitución da Asociación do Camiño Ría de Muros – Noia; da terceira modificación do Plan estratéxico de subvencións do Concello de Ames; da primeira prórroga do contrato de xestión do servizo público do Ciclo integral da auga; da proposta de mellora da atención sanitaria urxente no transporte sanitario; da novena modificación puntual da RPT consistente nunha nova valoración e adecuación do complemento de destino dos postos da Policía Local; do restablecemento das retribucións minoradas no complemento específico do persoal da Policía Local que foi obxecto de reclasificación profesional; e do Plan de estabilización do emprego temporal. Todos estes temas foron tratados previamente nas comisións informativas celebradas este luns 22 de abril.

Este xoves, 25 de abril, impártese un novo obradoiro de competencias socioemocionais sobre a comunicación interpersoal

[24-04-2019] A Concellaría de Servizos Sociais e Igualdade de Ames organiza este xoves, ás 17.00 horas, no Pazo da peregrina, en Bertamiráns, un novo taller dirixido ás mulleres amesás que estará centrado na comunicación interpersoal. Este taller enmárcase dentro dun programa de obradoiros de competencias socioemocionais enfocados no empoderamento feminino, para a adquisición de capacidades e habilidades socioemocionais que favorezan o seu crecemento persoal. Para participar nas actividades deste ciclo non é necesaria inscrición previa.

Este sábado, 27 de abril, impártese un curso de defensa persoal feminina

[24-04-2019] A Concellaría de Deportes, en colaboración co Club Deportivo Karate Ames, organiza un curso de defensa persoal feminina. Esta actividade impartirase este sábado, 27 de abril, en horario de 11.00 a 13.00 horas, no ximnasio do pavillón municipal de Bertamiráns. O número de prazas son limitadas polo que as persoas interesadas deben darse présa en inscribirse enviando un correo electrónico ao enderezo cd_karate_ames@yahoo.es ou chamando ao número de teléfono 608 251 112. A inscrición neste curso é totalmente gratuíta.

Ver máis novas


Ames Radio
Reproducir conWinampQuickTimeWindows Media PlayerReal Player

 


Máis do Concello

Administración electrónica

Administración electrónica

Os contribuíntes teñen a posibilidade de utilización da Oficina Virtual Tributaria.
Ler, xogar, gozar

Ler, xogar, gozar

As nosas bibliotecas son espazos de cultura e entretemento con programas de actividades durante todo o ano.
Somos solidarios

Somos solidarios

A Oficina de Voluntariado de Ames (OVA) ofréceche unha chea de iniciativas solidarias nas que ti tamén podes participar.
Moito que ver

Moito que ver

Patrimonio, paisaxe, rutas, aloxamentos... Todo que precisas para preparares a túa visita ao noso territorio.

Aviso legal | Accesibilidade | RSS

© Concello de Ames
Praza do Concello, 2, Bertamiráns. Tel: 981 883 002 - Fax: 981 883 925