Concello de Ames

Menú [Saltar]

Concello de Ames

[http://www.concellodeames.org]


Novas

Preséntanse os Puntos de Igualdade no CEP de Ventín e no CEIP da Maía

[21-11-2017] O alcalde de Ames, José Miñones, e a concelleira de Servizos Sociais e Igualdade, Luísa Feijóo, presentaron hoxe, xunto coas dúas técnicas municipais do Centro de Información á Muller de Ames (CIM), María Teresa Arufe e Mónica Antelo, os Puntos de Igualdade do concello. A presentación realizouse tanto no CEP de Ventín como no CEIP da Maía, os dous primeiros centros en acoller esta nova iniciativa, que busca promover, desde o ámbito educativo, a igualdade de homes e mulleres na nosa sociedade. Os Puntos de Igualdade son, polo tanto, dous puntos móbiles conformados por diferentes obras infantís e xuvenís que se consideran libres de estereotipos de xénero. Os Puntos de Igualdade irán rotando polos diferentes centros educativos de Ames e polas bibliotecas municipais, co obxectivo de ofrecer recursos ao profesorado e ás familias para dialogar coas crianzas sobre a importancia da igualdade.

O Concello presenta Galeg@ para sempre, campaña de fomento do galego no ámbito funerario

[21-11-2017] O local Sociocultural de Agrón acollerá o vindeiro 29 de novembro a presentación de “Galeg@s para sempre”, unha campaña dirixida a fomentar a utilización do galego no ámbito funerario. A proposta busca tamén a implicación das empresas e os profesionais relacionados co sector para que garantan que quen queira dispor de servizos fúnebres en galego poida acceder a eles con normalidade. Co este obxectivo, a concellaría de Normalización Lingüística está elaborando un manual de recursos que incluirá modelos de necrolóxicas, lemas e frases para poñer nas sepulturas, e poemas para as cerimonias civís. Coincidindo coa presentación da campaña, desenvolverase un acto público de sinatura de declaracións de vontades. As veciñas e veciños que desexen ser despedidos e lembrados en galego e dar conta delo neste acto, poden enviar os seus datos -nome completo, D.N.I e teléfono- ao enderezo normalizacion@concellodeames.gal. No acto de presentación, que comezará ás 19:00 horas, actuarán o pianista Xabier Constenla e a cantante Pilar Martínez.

Organízase para este Nadal o II Campus de fútbol sala do FC Meigas e do EFS Trasgos

[21-11-2017] O II Campus de fútbol sala, organizado polo FC Meigas en colaboración co EFS Trasgos e co Concello de Ames, terá lugar entre o 26 e o 30 de decembro, en horario de 10:00h a 14:00 horas, no pavillón de Bertamiráns. Dirixido a nenas e nenos nados entre o 2001 e o 2012, o campus contará con servizo de gardería, entre as 9:00h e as 10:00 e ata as 14:30 horas. Para participar é preciso inscribirse, chamando ao número de teléfono 670 51 81 20 ou enviando un correo electrónico a calquera dos seguintes enderezos: fcmeigas@gmail.com ou efstrasgos@gmail.com.

Ver máis novas


Ames Radio
Reproducir conWinampQuickTimeWindows Media PlayerReal Player

 


Máis do Concello

Administración electrónica

Administración electrónica

Os contribuíntes teñen a posibilidade de utilización da Oficina Virtual Tributaria.
Ler, xogar, gozar

Ler, xogar, gozar

As nosas bibliotecas son espazos de cultura e entretemento con programas de actividades durante todo o ano.
Somos solidarios

Somos solidarios

A Oficina de Voluntariado de Ames (OVA) ofréceche unha chea de iniciativas solidarias nas que ti tamén podes participar.
Moito que ver

Moito que ver

Patrimonio, paisaxe, rutas, aloxamentos... Todo que precisas para preparares a túa visita ao noso territorio.

Aviso legal | Accesibilidade | RSS

© Concello de Ames
Praza do Concello, 2, Bertamiráns. Tel: 981 883 002 - Fax: 981 883 925