Concello de Ames

Menú [Saltar]

Concello de Ames

[http://www.concellodeames.org]


Inicio Ames dixital Convocatorias


Convocatorias

Neste apartado podes consultar os prazos e requirimentos para solicitar axudas e subvencións, coñecer as convocatorias de emprego público e os concursos e subastas de licitacións públicas do Concello de Ames. Para poder visualizar as convocatorias tes que navegar polas categorías do teu interese.


Lista provisional de admitidos/as e excluídos/as no proceso selectivo para a creación dunha bolsa de traballo de administrativos/as

[06-11-2018] O Concello de Ames, a través do departamento de Persoal, fai pública a lista provisional de admitidos/as e excluídos/as no proceso selectivo para a creación dunha bolsa de traballo de administrativos/as. O prazo para a subsanación de documentación remata o vindeiro 13 de novembro de 2018. Premendo no enlace que está a túa dereita, baixo o apartado de descargas, poderás obter dita lista.

Lista provisional de admitidos e excluídos do proceso selectivo para a creación dunha bolsa de traballo de mestres/as de saxofón para a EMMA

[30-10-2018] O Concello de Ames, a través do departamento de Persoal, fai público o decreto polo que se aproba a lista provisional de admitidos e excluídos do proceso selectivo para a creación dunha bolsa de traballo de mestres/as de saxofón para a Escola Municipal de Música do Concello de Ames. Dáse un prazo de cinco días hábiles, que remata o vindeiro 7 de novembro de 2018, para a subsanación de documentación. Premendo no enlace que está a túa dereita, baixo o apartado de descargas, poderás obter dito decreto.

Lista definitiva de admitidos e excluídos do proceso selectivo para a creación dunha bolsa de traballo de mestres/as de frauta para a EMMA

[30-10-2018] O Concello de Ames, a través do departamento de Persoal, fai público o decreto polo que se aproba a lista definitiva de admitidos e excluídos do proceso selectivo para a creación dunha bolsa de traballo de mestres/as de frauta para a Escola Municipal de Música do Concello de Ames. A constitución do tribunal e a fase de baremación terá lugar o día 6 de novembro de 2018. Premendo no enlace que está a túa dereita, baixo o apartado de descargas, poderás obter dito decreto.

Abre o prazo para participar nas convocatorias de axudas para a promoción de festas populares e de actividades levadas a cabo por asociacións culturais

[25-10-2018] A Xunta de Goberno Local aprobou o pasado 18 de outubro as convocatorias de axudas para a promoción de festas populares e de actividades levadas a cabo por asociacións culturais (exercicio 2018). Hoxe, 25 de outubro, ditas bases saen publicadas no Boletín Oficial da Provincia da Coruña (BOP). O prazo de presentación de solicitudes permanecerá aberto do 26 de outubro ao 26 de novembro. As solicitudes, xunto co resto da documentación, presentarase no Rexistro Electrónico Xeral do Concello de Ames, o na sede electrónica do Concello (https://sede.concellodeames.gal/es/). Igualmente poderá presentarse no Rexistro electrónico do Punto de Acceso Xeral do Estado (REC), ao que se pode acceder desde o enlace dispoñible na sede electrónica do Concello de Ames.

Convocatoria de axudas para a adquisición de libros de texto e material escolar destinadas ao alumnado do segundo ciclo de educación infantil (curso 2018-2019)

[17-10-2018] O Concello de Ames, a través da Concellaría de Educación e Cultura, informa da publicación no Boletín Oficial da Provincia (BOP) da convocatoria de axudas, para a adquisición de libros de texto e material escolar destinadas ao alumnado do segundo ciclo de educación infantil (curso 2018-2019). O prazo de presentación de solicitudes permanecerá aberto do 18 de outubro ao 16 de novembro. A contía máxima destinada a esta convocatoria ascende a 8.500 euros, sendo de 120 euros o importe máximo concedido por cada nena ou neno. Premendo no enlace que está á dereita, baixo o apartado de descargas, poderás consultar as bases desta convocatoria de axudas e imprimir o impreso de solicitude.


Aviso legal | Accesibilidade | RSS

© Concello de Ames
Praza do Concello, 2, Bertamiráns. Tel: 981 883 002 - Fax: 981 883 925