Concello de Ames

Menú [Saltar]

Concello de Ames

[http://www.concellodeames.org]


Inicio Ames dixital Convocatorias Abre o prazo para...


Abre o prazo para participar na convocatoria de axudas de actividades levadas a cabo por asociacións culturais (exercicio 2017)

A Xunta de Goberno Local aprobou o pasado 29 de xuño as convocatorias de axudas para a promoción de festas populares e de actividades levadas a cabo por asociacións culturais (exercicio 2017). Este venres, 28 de xullo, saen publicadas no Boletín Oficial da Provincia da Coruña (BOP). O prazo de presentación de solicitudes ampliouse en 15 días, polo que estará aberto ata o vindeiro 12 de setembro. As solicitudes poden ser presentadas tanto no Rexistro Municipal da Casa do Concello e no Pazo da Peregrina, en Bertamiráns, así como nas Oficinas Xerais do Milladoiro. O Rexistro Municipal permanece aberto de luns a venres, en horario de 9:00h a 14:00 horas.

Para a realización de actividades levadas a cabo por parte de asociacións culturais (exercicio 2017) destínase un total de 40.000 euros. A estas subvencións, poderán optar todas as asociacións culturais ou veciñais do concello de Ames, que realicen actividades de índole cultural. Estas asociacións deben estar legalmente constituídas e deben figurar inscritas no rexistro municipal de asociacións, cos datos de inscrición debidamente actualizados. Cumpridas estas condicións, as asociacións poderán obter ata un máximo do 80% do orzamento total das actividades de índole cultural desenvolvidas, así como da adquisición de material inventariable.

Os obxectivos desta liña de axudas son achegar a cultura á veciñanza, a creación e mantemento dunha vida cultural estable dentro do ámbito territorial do Concello de Ames e a promoción da participación activa da veciñanza amesá en actividades de índole cultural, que presentan un claro interese público. Por este motivo, non se subvencionarán viaxes que non acrediten o seu carácter eminentemente cultural, a realización de obras ou o pagamento de gastos correntes como facturas telefónicas ou da luz.

Aviso legal | Accesibilidade | RSS

© Concello de Ames
Praza do Concello, 2, Bertamiráns. Tel: 981 883 002 - Fax: 981 883 925