Concello de Ames

Menú [Saltar]

Concello de Ames

[http://www.concellodeames.org]


Inicio Ames dixital Axenda


Axenda: venres 29 de abril 2016

Obradoiro de Arte Miúda e Animación Á Lectura en Bugallido e Augapesada

A programación cultural e educativa desta primavera no concello de Ames inclúe traslada as actividades tamén as parroquias rurais. O obradoiro de Animación á Lectura e Arte Miúda porase en marcha nos locais socioculturais de Augapesada e do Bugallido o vindeiro luns, 14 de marzo.

Tanto o obradoiro de Arte Miúda como o de Animación á Lectura realizaranse sempre en horario de 18:00 a 19:30 horas. O Centro Social de Bugallido acollerá ambas actividades o luns 28 de marzo, o luns 18 de abril e o luns 23 de maio. No Centro Social de Augapesada desenvolveranse o luns 14 e o martes 29 de marzo, o luns 4 e o martes 19 de abril e o luns 9 e o martes 24 de maio.

A actividade divídese en dúas partes. Para a primeira seleccionaranse unha serie de contos "dirixidos a nenos e nenas de idades comprendidas entre os 3 e os 8 anos" . A animadora da actividade buscará que nenos e nenas participen da propia lectura e, na segunda parte, invitaraos a reflexionar sobre o fío argumental e a lección moral que se pode extraer dos contos a través de manualidades e outras actividades.


Pablo Díaz, "Xente miúda,moita fartura", chega á Casa da Cultura de Bertamiráns

O venres 29 de abril Pablo Díaz desembarca na Casa da Cultura de Bertamiráns co seu proxecto musical "Xente miúda, moita fartura", pensado para os máis novos e novas e as súas familias, ás 18:30 horas.

O programa FalaRedes 2016 achega aos nenos este espectáculo musical do artista galego Pablo Díaz. O concerto bebe dun dos discos publicados por Díaz, "Xente miúda, moita fartura" fala daquelo que se atopa no día a día dos nenos e nenas: recoller os xoguetes, o rexeitamento da crema de verduras ou a celebración en galego do aniversario. No álbum participaron músicos do talle de Xabier Díaz, Carmen Rey, Olga Kirk e Tito Calviño.

As entradas para o concerto pódense adquirir na Billeteira electrónica municipal, á que se accede a través dun banner na páxina web do Concello, ou unha hora antes na billeteira da Casa da Cultura de Bertamiráns.
 

VII Encontro de patinaxe das Escolas Deportivas

O sábado 30 de maio terá lugar a sétima edición do Encontro de patinaxe das Escolas Deportivas no Pavillón Municipal de Bertamiráns; unha xornada de convivencia que comezará ás 9:00 e alongarase até as 21:00 horas.

Gala Benéfica "A túa axuda, a miña ilusión"

Os clubs da contorna de Ames organizan esta gala benefica para colaborar coa campaña "A túa axuda, a miña ilusión". Esta campaña, iniciada polos pais de Matías Rey, un neno compostelán con parálise cerebral, quere contribuír a familia de Matías con donacións para contribuír á mellora da súa calidade de vida. A recollida de tapóns e outros envases de plástico son unha das accións que se levan a cabo para recoller fondos.

A gala terá lugar no Pavillón Municipal do Milladoiro, entre as 10:00 e as 22:00 horas e toda a veciñanza está convidada a participar.

Celebración do Día da bici no Pazo da Peregrina

As persoas amantes do ciclismo teñen unha cita o domingo 8 de maio no Pazo da Peregrina, onde se celebrará o Día da bici.

<< 2016 >>
<< abril >>
L
M
Me
X
V
S
D
 
 
 
 
 


Máis do concello


Aviso legal | Accesibilidade | RSS

© Concello de Ames
Praza do Concello, 2, Bertamiráns. Tel: 981 883 002 - Fax: 981 883 925