Concello de Ames

Menú [Saltar]

Concello de Ames

[http://www.concellodeames.org]


Inicio Ames dixital Axenda


Axenda: domingo 29 de maio 2016

Concerto de fin de curso da EMMA

O mércores 22 de xuño a Escola Municipal de Música de Ames convida aos veciños e veciñas de Ames a asistir ao concerto de fin de curso que ofercerán na Casa da Cultura do Milladoiro. No concerto, que comeza ás 20:00 horas, participará o alumnado e membros do profesorado na interpretación de varias pezas preparadas ao longo do curso.

VIII Encontro de bolillos e labores artesanais

O pavillón do Milladoiro acollerá este mes de xuño, o domingo 5, o VIII Encontro de palillos e labores artesanais. As portas do pavillón estarán abertas de 10:00 a 14:00 horas e de 16:00 a 19:00 horas para que os e as visitantes poidan pasear entre os postos, contemplar as demostracións de varios oficios en vivo ou participar nalgún dos obradoiros.

A páxina web municipal publicará información máis detallada do evento e das actividades que se levarán a cabo.

"Shakespeare para ignorantes" achegará ao púiblico ao escritor inglés este venres

Produccións Excéntricas fai parada en Ames para poñer punto final á programación teatral da primeira metade do ano. O venres, 3 de xuño ás 21:00 horas , na Casa da Cultura do Milladoiro, Quico Cadaval e Mofa e Befa presentan a súa creación "Shakespeare para ignorantes".

Un mestre, Cadaval, e dous actores en paro, Mofa e Befa, farán ao longo da obra un repaso polas personaxes da obra shakespereana; as máis excéntricas, cómicas ou miserables que saíron da súa pluma e achegaranlles ao público o pensamento "do zoólogo que mellor coñecía á especie humana".

As entradas pódense adquirir na Billeteira electrónica municipal, premendo no banner situado na cabeceira da web do Concello de Ames, ou o mesmo día da obra acudindo unha hora antes á Casa da Cultura do Milladoiro.

O Grupo de Teatro Municipal estrea As Suplicantes no Milladoiro

O venres 10 de xuño, ás 21:00 horas, o Grupo de Teatro Municipal de Ames estrea a obra "As Suplicantes" na Casa da Cultura do Milladoiro. 

A o obra conta con toda a participación dos membros do Grupo de Teatro Municipal: Carlos Labraña, Paula Castro, Emilia Mayo, Pilara Gómez, Patricia López, Pablo Nimo, Carmela Pardal, Paz Romai, Noemi Graña, Mentxu Álvarez, Pablo Gulín e Pi Rodríguez. A compañía despide así, tamén, o remate do curso 2015-2016 de teatro.

As suplicantes é unha traxedia do dramaturgo grego Esquilo. Conta a historia das cincuenta Danaides, fillas de Dánao, que chegan a Argos fuxindo dos reis de Exipto, tratando de evitar casar con eles. En Argos poñen a súa vida nas mans do rei Pelasgo, ao que lle piden protección fronte aos exipcios.


<< 2016 >>
<< maio >>
L
M
Me
X
V
S
D
 
 
 
 
 
 
 
 
 
 
 


Máis do concello


Aviso legal | Accesibilidade | RSS

© Concello de Ames
Praza do Concello, 2, Bertamiráns. Tel: 981 883 002 - Fax: 981 883 925