Concello de Ames

Menú [Saltar]

Concello de Ames

[http://www.concellodeames.org]


Inicio Ames dixital Axenda


Axenda: xoves 26 de maio 2016

Uxía e o Magín Blanco reinterpretan a Manuel María na Casa da Cultura de Bertamiráns

No ano no que as Letras Galegas adícanselle ao poeta da Terra Chá Uxía e o Magín Blanco visitan este venres, 27 de maio, a Casa da Cultura de  Bertamiráns cos músicos cos que gravaron o libro-cd "Canta ao cuco", obra que pon melodías ás verbas de Manuel María. Os artistas ofrecerán dous pases deste espectáculo pensado para os máis pequenos, un ás 12:30 e outro ás 18:30 horas.

Chá Uxía e o Magín Blanco escenifican en Bertamiráns cancións procedentes do álbum "Canta o Cuco" no que, con ritmos que van dende o pop ou o rock até os aires cubanos ou arxentinos musican versos procedentes dos libros que Manuel María adicou aos máis pequenos. A escolma procede dos libros "As rúas do vento ceibe", "Os soños na gaiola", coa inclusión de poemas de "Terra Chá" e "Os lonxes do solpor".Os músicos que acompañan á voz de Uxía e á de Magín Blanco son Santi Cribeiro, no acordeón e nos teclados e Hector Lorenzo, a cargo da guitarra e do baixo. Inacio Vilariño, actor, estará a cargo das manipulacións escenográficas desta posta en escea.

As entradas para o espectáculo pódense adquirir na Billeteira electrónica municipal, accedendo a través dun banner na páxina web municipal, ou acudindo unha hora antes da apertura de portas á Casa da Cultura de Bertamiráns.

Clausura do Obradoiro de baile de salón e latino

O sábado 28 de maio os alumnos e alumnas do Obradoiro de baile de salón e latino invitán aos veciñas e veciñas a achegarse á Casa da Cultura do Milladoiro. Alí, a partir das 18:00 horas, realizarán unha mostra do aprendido ao longo do curso para clausurar a actividade.

As leccións de baile de salón e latino foron impartidos polos profesores Orlando e Tania tanto no Milladoiro como en Bertamiráns. Ambos pertencen á Escola de Danza Tomasón.

Evento de clausura das Escolas Deportivas municipais

O sábado 28, a partir das 16:30 horas no Pavillón Municipal de Bertamiráns, as Escolas Deportivas de Ames ofrecerán un acto para clausurar o curso. As Escolas Deportivas do municipio ofrecen actividades como o ballet, o badminton, o baloncesto, o fútbol sala masculino ou femininino, o judo, a natación o tenis ou o patinaxe.

Segunda sesión de contacontos nas bibliotecas municipais do mes de maio

A segunda sesión de contacontos deste mes de maio, titulada "Xuntos pero non revoltos", terá lugar o mércores 25 na biblioteca do Milladoiro e o xoves 26 na biblioteca de Bertamiráns. En ambos casos a actividade comezará ás 18:00 horas, sendo de participación libre, aberta e gratuíta.

Os títulos dos contos que se lerán durante esta sesións son: "Unha vella tiña un can", "Animais de compañía" e "La araña hacedora".

Concerto de fin de curso da EMMA

O mércores 22 de xuño a Escola Municipal de Música de Ames convida aos veciños e veciñas de Ames a asistir ao concerto de fin de curso que ofercerán na Casa da Cultura do Milladoiro. No concerto, que comeza ás 20:00 horas, participará o alumnado e membros do profesorado na interpretación de varias pezas preparadas ao longo do curso.

VIII Encontro de bolillos e labores artesanais

O pavillón do Milladoiro acollerá este mes de xuño, o domingo 5, o VIII Encontro de palillos e labores artesanais. As portas do pavillón estarán abertas de 10:00 a 14:00 horas e de 16:00 a 19:00 horas para que os e as visitantes poidan pasear entre os postos, contemplar as demostracións de varios oficios en vivo ou participar nalgún dos obradoiros.

A páxina web municipal publicará información máis detallada do evento e das actividades que se levarán a cabo.

"Shakespeare para ignorantes" achegará ao púiblico ao escritor inglés este venres

Produccións Excéntricas fai parada en Ames para poñer punto final á programación teatral da primeira metade do ano. O venres, 3 de xuño ás 21:00 horas , na Casa da Cultura do Milladoiro, Quico Cadaval e Mofa e Befa presentan a súa creación "Shakespeare para ignorantes".

Un mestre, Cadaval, e dous actores en paro, Mofa e Befa, farán ao longo da obra un repaso polas personaxes da obra shakespereana; as máis excéntricas, cómicas ou miserables que saíron da súa pluma e achegaranlles ao público o pensamento "do zoólogo que mellor coñecía á especie humana".

As entradas pódense adquirir na Billeteira electrónica municipal, premendo no banner situado na cabeceira da web do Concello de Ames, ou o mesmo día da obra acudindo unha hora antes á Casa da Cultura do Milladoiro.

<< 2016 >>
<< maio >>
L
M
Me
X
V
S
D
 
 
 
 
 
 
 
 
 
 
 


Máis do concello


Aviso legal | Accesibilidade | RSS

© Concello de Ames
Praza do Concello, 2, Bertamiráns. Tel: 981 883 002 - Fax: 981 883 925