Concello de Ames

Menú [Saltar]

Concello de Ames

[http://www.concellodeames.org]


Inicio Relaciónate Avisos


Avisos

Anuncio da aprobación definitiva do proxecto de expropiación das parcelas necesarias para poder construír un novo CEIP no Milladoiro

[19-12-2018] A Xunta de Goberno Local aprobou de xeito definitivo, o pasado 29 de novembro, o proxecto de expropiación, polo procedemento de taxación conxunta, para poder executar o Plan Especial de Infraestruturas e Dotacións (PEID) para construír un novo CEIP na localidade do Milladoiro.Estas parcelas poranse a disposición da Consellería de Cultura, Educación e Ordenación Universitaria, da Xunta da Galicia, para a construción dun novo colexio público de infantil e primaria no Milladoiro. A superficie afectada polo Plan Especial, para a dotación de infraestruturas escolares, é de 20.000 metros cadrados, repartidos en 13 parcelas. Premendo nos enlaces que están a túa dereita, baixo o apartado de descargas, poderás obter o devandito anuncio e mailo proxecto de expropiación.

Consulta pública sobre o Regulamento de funcionamento dos programas lúdicos do Concello de Ames

[18-12-2018] O Concello de Ames informa que en conformidade co previsto no artigo 133 da Lei 39/2015 de 1 de outubro, do procedemento administrativo común das Administracións Públicas (LPAC), e co obxectivo de contar coa participación da cidadanía no procedemento de elaboración do Regulamento de funcionamento dos programas lúdicos do Concello de Ames, procédese a efectuar, en cumprimento de decreto da Alcaldía 2823/2018, unha consulta pública a través da web municipal, co fin de recadar a opinión das persoas e das organizacións máis representativas, potencialmente afectados pola ordenanza que se pretende aprobar. Hai un prazo para elo de 20 días hábiles a contar dende o 14 de decembro de 2018 e ata o día 14 de xaneiro de 2019, ambos inclusive. A forma de participación é a través das direccións electrónicas ana.ameijeiras@concellodeames.gal e rosaana.prada@concellodeames.gal. Premendo no enlace que está a túa dereita, baixo o apartado de descargas, poderás obter o anuncio de dita consulta pública.

Consulta pública sobre o Regulamento do servizo Escola de Verán no Concello de Ames

[17-12-2018] O Concello de Ames informa que en conformidade co previsto no artigo 133 da Lei 39/2015 de 1 de outubro, do procedemento administrativo común das Administracións Públicas (LPAC), e co obxectivo de contar coa participación da cidadanía no procedemento de elaboración do Regulamento do programa de conciliación familiar e laboral do servizo “Escola de Verán”, procédese a efectuar, en cumprimento de decreto da Alcaldía 2822/2018, unha consulta pública a través da web municipal, co fin de recadar a opinión das persoas e das organizacións máis representativas, potencialmente afectados pola ordenanza que se pretende aprobar. Hai un prazo para elo de 20 días hábiles a contar dende o 14 de decembro de 2018 e ata o día 14 de xaneiro de 2019, ambos inclusive. A forma de participación é a través das direccións electrónicas ana.ameijeiras@concellodeames.gal e rosaana.prada@concellodeames.gal. Premendo no enlace que está a túa dereita, baixo o apartado de descargas, poderás obter o anuncio de dita consulta pública.

Corte na rede eléctrica o 21 de decembro de 0.00 a 3.00 horas na avenida da Máia, estrada de Lapido e paraxe do Porto

[14-12-2018] O Concello de Ames informa que dende o Grupo Naturgy comunican que co fin de efectuar traballos de mantemento e desenvolvemento na rede eléctrica necesarios para poder atender nas mellores condicións as necesidades de subministro da zona, vaise a realizar un corte na rede eléctrica o venres, 21 de decembro, de 0.00 a 3.00 horas. Deste xeito, quedarán fora de servizo varias instalacións da Avenida da Maía, en Bertamiráns, da estrada de Lapido e do paraxe do Porto. Premendo no enlace que está a túa dereita, baixo o apartado de descargas, poderás obter o aviso completo.

Listas definitivas de admitidos/as e excluídos/as no Nadal Lúdico 2018

[13-12-2018] O Concello de Ames informa de que xa están expostas as listas definitivas de solicitudes admitidas e excluídas no programa Nadal Lúdico de 2018. Premendo nos enlaces que están a túa dereita, baixo o apartado de descargas, poderás consultar estas listas, que tamén pode ser consultada nas oficinas do departamento de Educación, situadas no Pazo da Peregrina, nas portas de entrada da Casa do Concello e nas oficinas municipais do Milladoiro. Tamén se pode descargar información de interese deste programa. O servizo desenvolverase, tanto no Milladoiro como en Bertamiráns, os días 24, 26, 27, 28 e 31 de decembro e 2, 3, 4 e 7 de xaneiro, en horario de 7:30h a 16:00 horas.


Aviso legal | Accesibilidade | RSS

© Concello de Ames
Praza do Concello, 2, Bertamiráns. Tel: 981 883 002 - Fax: 981 883 925