Concello de Ames

Menú [Saltar]

Concello de Ames

[http://www.concellodeames.org]


Inicio Relaciónate Avisos


Avisos

Este xoves impartirase unha charla informativa sobre a mitigación da avespa velutina de xeito responsable no Local social de Tapia ás 20.00h

[20-03-2019] A Concellaría de Medio Ambiente organizou unha serie de charlas informativas sobre a avespa velutina, ao abeiro dunha campaña de mitigación da invasión da vespa asiática, a través da impartición de dúas charlas informativas que corren a cargo do entomólogo e técnico de Protección Civil de Cambre, Lolo Andrade. A primeira actividade realizouse o xoves 14 de marzo, no Local social de Bugallido. A segunda charla impartirase este xoves, 21 de marzo, no Local social de Tapia ás 20.00 horas.

Listaxes provisionais de admitidos/as e excluídos/as na Primavera Lúdica 2019

[15-03-2019] O Concello de Ames informa de que xa están expostas as listas provisionais de solicitudes admitidas no programa Primavera Lúdica. Premendo nos enlaces que están a túa dereita, baixo o apartado de descargas, poderás consultar estas listas, que tamén poden ser consultadas nas oficinas do departamento de Educación, situadas no Pazo da Peregrina, nas portas de entrada da Casa do Concello e nas oficinas municipais do Milladoiro.

Inscríbete no curso de Enerxías renovables e mantemento de instalacións eléctricas, fontanería e calefacción

[14-03-2019] Dende a Concellaría de Promoción Económica informan de que quedan 7 prazas vacantes no curso de "Enerxías renovables e mantemento de instalacións eléctricas, fontanería e calefacción", que está dirixido a persoas en situación de desemprego dos Concello de Ames e Brión. As prazas para participar neste curso son limitadas. O obxectivo do curso é a preparación dos participantes para que adquiran os coñecementos necesarios que lles permitan instalar, dimensionar e manter instalacións de enerxías renovables (solar térmica), instalacións caloríficas, así como as nocións básicas de mantemento de fontanería e calefacción e instalacións eléctricas.

Ampliación do prazo de xustificación das axudas da convocatoria de subvencións para promoción de actividades levadas a cabo no ano 2018 por clubs e asociacións deportivas

[22-02-2019] O Concello de Ames informa de que na sesión de Xunta de Goberno Local do 14 de febreiro de 2019 foi ampliado o prazo de xustificación das axudas da convocatoria de subvencións para a promoción de actividades levadas a cabo no ano 2018 por clubs e asociacións deportivas do Concello de Ames, exercicio 2018. De conformidade co acordado, o novo prazo ampliado de xustificación remata o día 31 de marzo de 2019. Premendo no enlace que está a túa dereita, baixo o apartado de descargas, poderás obter o anuncio publicado no Boletín Oficial da Provincia da Coruña.

Listas definitivas de admitidos/as e excluídos/as no Entroido Lúdico 2019

[21-02-2019] O Concello de Ames informa de que xa están expostas as listas definitivas de solicitudes admitidas e excluídas no programa Entroido Lúdico de 2019. Premendo nos enlaces que están a túa dereita, baixo o apartado de descargas, poderás consultar estas listas, así como a información do programa en ambas localidades. Esta información tamén pode ser consultada nas oficinas do departamento de Educación, situadas no Pazo da Peregrina, nas portas de entrada da Casa do Concello e nas oficinas municipais do Milladoiro. Tamén se pode descargar información de interese deste programa. O servizo desenvolverase, tanto no Milladoiro como en Bertamiráns, os días 4, 5 e 6 de marzo en horario de 7:30h a 16:00 horas.


Aviso legal | Accesibilidade | RSS

© Concello de Ames
Praza do Concello, 2, Bertamiráns. Tel: 981 883 002 - Fax: 981 883 925