Concello de Ames

Menú [Saltar]

Concello de Ames

[http://www.concellodeames.org]


Inicio Relaciónate Avisos


Avisos

Anuncio de adxudicación directa de unidades de enterramento do cemiterio municipal de Ames

[25-01-2019] Na Xunta de Goberno Local do 17 de xaneiro de 2019 aprobouse a convocatoria, por adxudicación directa, das unidades de enterramento que quedaron sen adxudicar na licitación anterior (aprobada en Xunta de Goberno Local do 26 de outubro de 2017). Os/as interesados/as deberán presentar a correspondente solicitude de adxudicación directa de unidades de enterramento do cemiterio municipal de Ames. Premendo no enlace que está a túa dereita, baixo o apartado de descargas, poderás obter dito anuncio.

Aberto o prazo para inscribirse nos cursos organizados pola OMIX

[22-01-2019] A Concellaría de Mocidade, a través da Oficina Municipal de Información Xuvenil (OMIX), oferta unha nova edición do curso English Today!! e do curso de monitora e monitor de tempo libre, homologado pola Xunta de Galicia. O prazo para presentar as solicitudes comeza este martes, 22 de xaneiro, e permanecerá aberto ata o 1 de febreiro. Premendo no enlace que está a túa dereita, baixo o apartado de descargas, poderás obter as bases e a ficha de inscrición de ambas formacións.

Ampliación do prazo de xustificación das axudas da convocatoria de subvencións para promoción de actividades levadas a cabo por asociacións culturais e promoción de festas populares (exercicio 2018)

[17-01-2019] En sesión de Xunta de Goberno Local de 20 de xaneiro de 2019 foi ampliado o prazo de xustificación das axudas da convocatoria de subvencións para a promoción de actividades culturais levadas a cabo por asociacións culturais durante o exercicio 2018, así como para a promoción de festas populares realizadas durante o ano 2018. De conformidade co acordado, o novo prazo ampliado de presentación de solicitudes remata o día 28 de febreiro de 2019. Premendo nos enlaces que están a túa dereita, baixo o apartado de descargas, poderás obter os anuncio publicados no BOP.

O prazo de inscrición para o Entroido Lúdico está aberto ata o vindeiro 28 de xaneiro

[15-01-2019] O Concello de Ames, a través da Concellaría de Educación e Cultura, abre o prazo de inscrición do programa de conciliación familiar Entroido Lúdico. O servizo desenvolverase, tanto no Milladoiro como en Bertamiráns, os días 4, 5 e 6 de marzo, en horario de 7:30h a 16:00 horas. O prazo de inscrición deste programa, que se pon en marcha por cuarto ano consecutivo, estará aberto ata o vindeiro 28 de xaneiro. Premendo no enlace que está a túa dereita, baixo o apartado de descargas, poderás obter as bases, o impreso de inscrición e as tarifas do Entroido Lúdico.

Resultados do sorteo público realizado no Concello de Ames este luns, 14 de xaneiro, para escoller os/as participantes na Campaña de esquí 2019 que organiza a Deputación da Coruña na estación de Manzaneda

[14-01-2019] O Concello de Ames publica os resultados do sorteo público das doce prazas dispoñibles para participar na Campaña de esquí que organiza a Deputación da Coruña na estación de Manzaneda. O sorteo tivo lugar este luns, 14 de xaneiro, no Salón de Plenos ás 12.00h. Dirixida a rapazas e rapaces de 11 a 15 anos, ambos incluídos, a campaña inclúe a realización de cursos de esquí. As mozas e mozos amesáns participarán deste programa entre 25 e o 28 de xaneiro. O custo desta actividade, que conta con 12 prazas dispoñibles, é de 85 euros. Premendo na ligazón que está a túa dereita, baixo o apartado de descargas, poderás obter a listaxe de participantes nesta Campaña de Esquí 2019.


Aviso legal | Accesibilidade | RSS

© Concello de Ames
Praza do Concello, 2, Bertamiráns. Tel: 981 883 002 - Fax: 981 883 925