Concello de Ames

Menú [Saltar]

Concello de Ames

[http://www.concellodeames.org]


Inicio Relaciónate Avisos


Avisos

Menú das escolas infantís municipais do 22 ao 26 de abril

[19-04-2019] Premendo no enlace que está a túa dereita, baixo o apartado de descargas, poderás obter os menús das escolas infantís municipais para esta semana, así como as merendas. Os menús foron elaborados pola nutricionista municipal do Concello de Ames.

Programación de Ames Radio na semana do 15 ao 21 de abril

[15-04-2019] Ames Radio fai pública a súa programación da semana do 15 ao 21 de abril. Premendo no enlace que está a túa dereita, baixo o apartado de descargas, poderás consultar a programación completa.

Aberto o prazo de inscrición para os Campamentos de verán 2019

[12-04-2019] O Concello de Ames vén de facer público o seu programa de campamentos municipais para este verán, a través do cal se ofertan 500 prazas repartidas entre 11 campamentos diferentes, que se desenvolverán entre o 26 de xuño e o 2 de setembro. O prezo dos mesmos variará entre os 45 e os 230 euros. O prazo de inscrición estará aberto ata o vindeiro 25 de abril. Para asistir a algún dos campamentos, será preciso entregar a ficha de inscrición no Rexistro municipal, xunto cunha fotocopia da tarxeta sanitaria, outra do DNI no caso de dispor do mesmo, unha foto tamaño carné e un certificado médico de ser preciso. Premendo nos enlaces que están a túa dereita, baixo o apartado de descargas, poderás obter un folleto informativo, a ficha de inscrición e as bases dos campamentos.

Enquisa sobre as escolas deportivas municipais de Ames

[12-04-2019] A Concellaría de Deportes de Ames está realizando unha enquisa entre os usuarios e usuarias das escolas deportivas co obxectivo de coñecer a súa opinión sobre este servizo municipal. A través das dez cuestións que estruturan esta sondaxe búscase coñecer que aspectos son máis sensibles de mellora baixo o punto de vista da cidadanía, así como outras disciplinas que poderían ter demanda no caso de incorporarse á oferta xa existente. Se desexas participar nesta enquisa só tes que imprimir e cubrir a enquisa dispoñible baixo a pestana de descargas deste aviso e, unha vez cuberta, enviala ao enderezo electrónico deportes@concellodeames.gal.

Menú das escolas infantís municipais do 15 ao 19 de abril

[12-04-2019] Premendo no enlace que está a túa dereita, baixo o apartado de descargas, poderás obter os menús das escolas infantís municipais para esta semana, así como as merendas. Os menús foron elaborados pola nutricionista municipal do Concello de Ames.


Aviso legal | Accesibilidade | RSS

© Concello de Ames
Praza do Concello, 2, Bertamiráns. Tel: 981 883 002 - Fax: 981 883 925